4 skuadra në luftë për titullin/ Sot hidhet shorti për “Final Four”, më të avantazhuara Egnatia dhe Partizani

Federata Shqiptare e Futbollit do të hedhë shortin për “Final 4” sot orën 12:00 në stadiumin “Air Albania” në sallën e konferencave për shtyp.

Në këtë ceremoni do të marrin pjesë presidenti i FSHF-së, Armand Duka, si dhe drejtues të 4 klubeve të kualifikuar në “Final 4”. Egnatia, Partizani, Vllaznia dhe Skënderbeu janë skuadrat që siguruan pjesëmarrjen në katërshe.

Sa i përket shortit, skuadrat do të ndahen në dy vazo me nga dy skuadra (te vazo 1 do të jenë Egnatia dhe Partizanit, ndërsa te vazo 2, Vllaznia dhe Skënderbeu).

Avantazhi në ndeshjet gjysmëfinale do të jetë për Egnatian dhe Partizanin, pasi u mjafton barazimi për t’u kualifikuar në finalen e madhe./OraNews