Dështon misioni për në hapësirë/ Anulohet nisja e anijes kozmike “Boeing Starliner”, shkak, problemet teknike
Ngritja e anijes kozmike “Boing Starliner”, me dy astronautë në bord është shtyrë për shkak të një defekti teknik. Ngritja ishte planifikuar të hënën në orën 22:34 me orën lokale, megjithatë kompania tha se po punon për ta kryer ngjitjen e radhës të premten.
Nisja e planifikuar e së hënës mbrëma e fluturimit të anijes kozmike “Boeing Starliner: në Stacionin Ndërkombëtar të Hapësirës u anulua përpara se të ngrihej për shkak të një problemi teknik.
Anëtarët e ekuipazhit Barry Wilmore dhe Sunita Williams sapo kishin hyrë në kapsulë kur zyrtarët tokësorë vendosën të anulojnë nisjen, duke vënë re një valvul të dëmtuar të oksigjenit në fazën e dytë të përgatitjes së raketës për tu ngjitur.
Wilmore dhe Williams, astronautë veteranë të agjencisë amerikane të hapësirës NASA, do të pilotonin fluturimin drejt stacionit hapësinor, ku do të qëndronin për rreth një javë për të testuar kapsulën dhe nënsistemet e saj.
Zyrtarët e “United Launch Alliance”, kompania që ndërtoi raketën “Atlas V” e që do të transportojë “Starliner” në hapësirë, thanë se inxhinierët dëgjuan një zhurmë të dëgjueshme nga valvula gjatë numërimit mbrapsht.
Kompania tha se disa orë pasi lançimi i së hënës u fshi, do të planifikojë një nisje të premte për lëshim.
Fluturimi eventual do të jetë testi përfundimtar përpara se NASA të mund të certifikojë “Boeing”-un për të kryer misione rutinë nga stacioni hapësinor për agjencinë.
Nëse testi i “Boeing” do rezultojë i suksesshëm, ai do të bëhet opsioni i dytë i besueshëm për fluturimin njerëzor në hapësirë, së bashku me kapsulën “SpaceX Dragon” të Elon Musk.
“SpaceX” ka transportuar astronautët e NASA-s drejt dhe nga stacioni që nga viti 2020. Programi “Starliner” përjetoi vite me pengesa dhe vonesa.
Gjatë një fluturimi provë pa ekuipazh të vitit 2019, kapsula ishte në një trajektore të gabuar dhe u kthye pa arritur në ISS. Një nisje tjetër u shty në vitin 2021 për shkak të një problemi me valvulën.
Si pjesë e programit të ekuipazhit komercial të NASA-s, misioni synonte të vlerësonte në mënyrë gjithëpërfshirëse aftësitë e anijes kozmike, nga nisja deri në ankorimin, duke përfunduar me kthimin e saj në Tokë në Shtetet e Bashkuara perëndimore./OraNews
