Aktorja e njohur Sharon Stone është paditur për dëmet që dyshohet se shkaktoi në një…
Aktorja e njohur Sharon Stone është paditur për dëmet që dyshohet se shkaktoi në një aksident automobilistik që ndodhi vitin e kaluar. Aktorja 66-vjeçare e “Basic Instinct” akuzohet se ka tejkaluar shpejtësinë dhe ka bërë manovra të pasigurta me makinën, gjë që ka çuar në përplasjen e saj me një makinë tjetër dhe plagosjen e një gruaje.
Aktorja e famshme, Sharon Stone, është paditur për dëmet që dyshohet se shkaktoi në një aksident automobilistik të ndodhur vitin e kaluar. Mediat e huaja shkruajnë se 66-vjeçarja e “Basic Instinct” akuzohet se ka tejkaluar shpejtësinë dhe ka bërë manovra të pasigurta me makinën.
Një gjë e tillë ka çuar në përplasjen e saj me një tjetër makinë dhe plagosjen e një gruaje. Ajo është Amanda Godebski dhe ngriti një padi në Gjykatën e Lartë të Los Angeles, duke pretenduar dëmtime pronësore dhe lëndime personale.
Gruaja në fjalë pretendon se dëmi i ka kaluar 35,000 dollarë dhe po kërkon dëmshpërblim për atë shumë. Sipas dokumenteve të gjykatës, incidenti dyshohet se ka ndodhur më 30 qershor 2023, në dalje të Coldwater Canyon Avenue në Los Angeles.
“Sharon Vaughn Stone shkaktoi përplasjen duke drejtuar makinën shumë shpejt për kushtet e trafikut dhe duke bërë një kthesë të pasigurt në korsinë e paditëses dhe u përplas me automjetin e paditëses”, thuhet në dosje.
Dokumentet thonë se veprimet e Stone kanë shkelur të paktën tre kode të ligjit të automjeteve në Kaliforni, duke përfshirë drejtimin shumë të shpejtë për kushtet e trafikut, duke bërë një kthesë të pasigurt dhe duke bërë një ndryshim të pasigurt korsie.
Godepski përmendi neglizhencën e përgjithshme të mjetit motorik si shkak të veprimit dhe deklaroi se ajo pësoi “humbje parash”, ” dëmtime pronësore”, “dëmtime të përgjithshme” dhe “humbje të aftësisë për punë”. Përveç kësaj, ajo tha se duhej të paguante shpenzimet spitalore dhe mjekësore si rezultat i incidentit dhe pësoi shqetësim emocional, humbje ekonomike dhe humbje jo ekonomike
Kjo nuk është hera e parë që Stone del në gjykatë. Në vitin 2012, aktorja u padit nga ish-dadoja e saj për shkelje të ligjeve të punës dhe komente nënçmuese për përkatësinë e saj etnike, megjithëse kjo padi u zgjidh përfundimisht një vit më vonë. Stone u përfshi gjithashtu në një betejë për kujdestarinë mbi djalin e saj 23-vjeçar Roan me ish-bashkëshortin Phil Bronstein. Ajo më vonë zbuloi në podcastin Table for Two me Bruce Bozzi se përfundimisht humbi kujdestarinë e Roan për shkak të rolit të saj në ‘Basic Instinct’./gsh
