Njihuni me ministrin më të pasur të Kosovës, aksioner në biznes dhe trashëgimtar i disa pasurive

Ministri i Punëve të Brendshme, Xhelal Sveçla, ka deklaruar pasurinë në Agjencinë për Parandalimin e Korrupsionit. Ai llogaritet të jetë ministri më i pasur në Qeverinë Kurti 2.

Sveçla ka deklaruar se ka një shtëpi të përbashkët që ka vlerë 600 mijë euro dhe po ashtu edhe një lokal në vlerë të 650 mijë eurove.

Ai gjithashtu është aksionar me bashkëshorten e tij, në ordinancën stomatologjike “Dental Advanced Services, Dhomi”, i cili kap vlerën e 100 mijë eurove. Para të gatshme, Sveçla bashkë me gruan kanë deklaruar rreth 8,400 euro.

Ministri i Brendshëm ka edhe detyrime financiare ndaj bankave komerciale. Ai ka deklaruar se ka dy kredi për të shlyer, një në vlerë 15 mijë euro dhe një tjetër në vlerë 5 mijë euro.

Ndërsa ka deklaruar poashtu një kredi në vlerë mbi 28 mijë euro për të shlyer në emër të gruas.

Pagën vjetore si ministër e ka deklaruar në vlerë 16 mijë e 630 euro, shkruajnë mediat kosovare. / G SH