Ishte zhdukur prej disa ditësh, 22-vjeçarja shqiptare gjendet e pajetë në një valixhe! Arrestohet i dashuri i saj
Trupi i 22-vjeçares shqiptare, Ilaria Sula është gjetur i pajetë në një valixhe.
Trupi i të resë u gjet në një zonë të pyllëzuar brenda një valixheje, raportojnë mediat italiane. Si i dyshuar eshte vene ne pranga i dashuri i saj.
22-vjeçara shqiptare ishte denoncuar e zhdukur në Romë të Italisë. Sipas të afërmve, ajo u zhduk më 25 mars nga zona Furio Camillo ku jeton, në një apartament që ndan me disa shokë të dhomës.
Familjarët janë shprehur të shqetësuar dhe kanë nisur një apel në rrjetet sociale, si dhe kanë bërë denoncim në polici. Sipas raportimeve të mediave italiane, vajza, e cila është regjistruar në Fakultetin e Statistikave në Universitetin La Sapienza, ishte ndarë me të dashurin para se të largohej.
Herët e fundit që ka folur me shoqet e shtëpisë ka qenë në whatsapp, kur kanë kuptuar se nuk është kthyer në banesë. Që prej atëherë, nuk mund të lidhen me të në telefon pasi rezulton i fikur.
Familjarët janë shprehur shumë të shqetësuar mbi fatin e 22-vjeçares, të cilët kanë bërë denoncim për zhdukjen e saj në stacionin e policisë në San Lorenzo, e cila ka nisur hetimet.
Nuk përjashtohet mundësia që e reja të jetë nisur drejt itinerarit Romë-Napoli. Ndër hipotezat për të shpjeguar zhdukjen e saj është se vajza u largua pas ndarjes me të dashurin.
“Telefoni i saj është i fikur”, sqarojnë të afërmit e studentes, “Kushdo që ka informacion të kontaktojë policinë”./korrieri
