Rreth dhjetë qendra tregtare në Moskë u evakuuan për shkak të kërcënimeve me bombë

Njerëzit u evakuuan nga rreth dhjetë qendra tregtare në Moskë pas kërcënimeve me bombë, tha një zëdhënës i shërbimeve të emergjencave të qytetit.

“Sot, kërcënimet me bombë erdhën në rreth dhjetë qendra tregtare. Vizitorët u evakuuan nga shumica e tyre. Ndërtesat janë duke u vëzhguar,” tha ai.

Disa qendra tregtare tashmë janë kontrolluar dhe kanë rifilluar funksionimin rutinë.

Moska ka parë një varg kërcënimesh të rreme me bomba që nga nëntori 2019, me kërcënime ndaj shkollave, gjykatave, qendrave tregtare, dyqaneve dhe institucioneve të arsimit të lartë që vijnë nga njerëz të paidentifikuar me email. Asnjë kërcënim i vetëm nuk ka qenë ende real./bw