Emocione të forta në “Ferma VIP”, Valeri përlot fermerët dhe studion, rrëfen pengun e trishtë të ditëlindjes

Ditëlindja e tij e 38-të e gjeti në fermë duke festuar me bashkëudhëtarët, por kjo datë që duhej të ishte festë, sipas Valerit, prej kohësh nuk është më e tillë.

Në një rrëfim emocionues në plevicë, Valeri ‘hapi zemrën’ duke folur për humbjen e të vëllain, mungesën e të cilit e ndjeu edhe në këtë përvjetor.

“Kam pas festuar gjithmonë, deri në një moment, pas atij momenti s’ka ndodhur të festoj më. Kam festuar gjithmonë kur kisha vëllain, e festonim njëherësh, pavarësisht se e kishte muajin tjetër, me 25. Ishim mësuar të festonim gjithmonë bashkë. Qëkur nuk është më ai, nuk kam festuar më”, tha ai mes lotësh.

Rrëfimi i ndjerë ka përlotur edhe të tjerë fermerë që e dëgjuan përmes klipit që përmblodhi edhe momentet e festës. Nga ana tjetër, lotët nuk kanë munguar as në studio, ku edhe Fjoralba është përlotur.

Megjithatë, fermerët theksuan se kanë menduar për një dhuratë për Valerin./vizionplus.tv/