Një fermer tha se nuk kishte parë “asgjë të ngjashme më parë” kur një nga delet e tij lindi një qengj që peshonte plot 16 kg. Meilir Jones, nga Powys, ndihmoi me lindjen në fermën e tij në Llangadfan të Britanisë të dielën. Kafsha është më shumë se tre herë më e madhe se një qengj i zakonshëm.
Rekordet Botërore Guinness thanë se nuk regjistronin peshën e qengjave dhe kështu nuk mund të konfirmonin nëse kafsha kishte thyer ndonjë rekord. Jones tha se kishte dëgjuar për një qengj 11 kg të lindur në Uells disa vite më parë, por nuk kishte parë kurrë diçka të tillë. Ai shtoi se ishte i tronditur që delja “po fshihte brenda këtë qengj të madh”.
“Unë kam pasur qengja të mëdhenj më parë, por asgjë si ky djalë i vogël,” tha ai cituar nga BBC.
“Është një rekord për mua.” Ai tha se ishte gjithashtu mirënjohës që asgjë nuk shkoi keq. “Delet dhe qengji janë gjallë dhe kjo është gjëja më e rëndësishme,” tha ai. Zoti Jones tha se ai dhe familja e tij po mendonin për një emër për kafshën.
Kam disa emra që më shfaqen në kokë, diçka që do të përputhet me personalitetin e qengjit. Mendoj se ndoshta diçka si Rocky?”/Balkanweb
