Kishte humbur kontaktet me fqinjët, gjendet e vdekur në banesë e moshuara që jetonte e vetme në Fier

Një e moshuar është gjetur e pajetë në banesë mbrëmjen e sotme në Fier.

Sipas burimeve 71-vjeçarja me iniciale S.J jetonte e vetme në lagjen “ Liri Gero” ndërsa është gjetur pa shenja dhune.

Kanë qenë banorët e pallatit ata që kanë kontaktuar policinë pasi nuk po mund të kontaktonin me të moshuarën.

Në vendngjarje ka mbërritur menjëherë policia dhe ambulanca që ka bërë të mundur transportimin e trupit të pajetë në morgun e Spitalit Rajonal Fier.

Sot rreth orës 20:20 në lagjen “Liri Gero”, Fier, është gjetur e pajetë, në banesën e saj, shtetasja S. J., 71 vjeçe.

Nga kqyrja paraprake e trupit të kësaj shtetaseje nuk janë konstatuar shenja dhune.

Grupi hetimor vijon punën për zbardhjen e plotë të rrethanave të rastit./OraNews