Përfshihet nga flakët pusi i naftës në Cakran, zona mbulohet nga re të zeza tymi

Një pus nafte është përfshirë nga flakët mesditën e sotme në Gjorgoz, të njësisë administrative Cakran.

Sipas informacionit të marrë pranë kompanisë, ky pus nafte i fondit të ndalur është përfshirë nga flakët edhe herë të tjera, ndërsa grupi i ekspertizës po punon për shkaqet e rënies së zjarrit.

Fatmirësisht si pasojë e flakëve nuk ka patur asnjë dëm përveçse ndotjes mjedisore pasi zona përreth është mbuluar nga re te zeza tymi.