Një aksident i rëndë me pasojë vdekje ka ndodhur pasditen e kësaj të shtune në Klinë të Kosovës.
Medit lokale bëjnë me dije se një tren pasagjerësh u përplas sot rreth orës 18:00 me një furgon. Si pasojë e aksidentit humbën jetën dy persona. Pavarësisht ndihmës që morën në spitalin e Pejës ata nuk ia dolën të mbijetonin.
Lajmin për vdekjen e tyre është konfirmuar nga zëdhënësi i policisë për rajonin e Pejës, Fadil Gashi.
Sot rreth orës 18:10, policia është njoftuar për një aksident në fshatin Krushevë e Madhe, Kline. Në aksident është i përfshirë treni i udhëtarëve dhe një kombi-bus”, njoftoi Policia e Kosovës më herët.
Nuk dihet ende shkaku i aksidentit fatal. Autoritetet po punojnë për zbardhjen e plotë të ngjarjes./albeu
