Lufta në Ukrainë, Lavrov: Jemi gati për bisedime paqeje, por s’ka propozime serioze nga Kievi apo Perëndimi
Moska nuk e ka braktisur idenë e bisedimeve të paqes me Kievin, por nuk ka parë ndonjë dëshirë të vërtetë për këtë nga ana e Ukrainës apo mbështetësve të saj perëndimorë, tha ministri i jashtëm rus Sergej Lavrov në një konferencë shtypi në Antalia të shtunën.
Rusia nuk ka parë asnjë propozim “serioz” për negociata që nga marrëveshja e dështuar e paqes e pranverës 2022 në Stamboll, u tha ministri i Jashtëm gazetarëve në Forumin e Diplomacisë në qytetin turk.
Në fillim të kësaj jave, presidenti i Turqisë, Rexhep Tajip Erdogan, tha se kombi i tij ishte gati të priste bisedimet e paqes midis Moskës dhe Kievit dhe të vepronte si ndërmjetës në këtë proces.
Kjo nuk është një pyetje për ne,” tha ai, kur u pyet për bisedimet e mundshme dhe gatishmërinë e Ankarasë për të ofruar një platformë për një dialog të tillë.
“Ne konfirmojmë edhe një herë… se Rusia kurrë nuk ka hequr dorë nga bisedimet e paqes”, tha Lavrov.
Në nëntor, David Arakhamia, i cili ishte negociatori kryesor i Ukrainës në Stamboll, deklaroi se kryeministri i atëhershëm britanik Boris Johnson kishte udhëtuar në Kiev dhe kishte bindur qeverinë e Zelensky të tërhiqej nga bisedimet.
Vetë Johnson ka mohuar ndonjë rol në këtë./OraNews
