BOTA, GJITHË E SY E VESHË NË KREMLIN/ Nga lufta te “porositë” për 6 vitet e ardhshme, çfarë pritet të diskutojë sot Putin në fjalimin vjetor
Presidenti rus Vladimir Putin do të mbajë ditën e sotme fjalimin e tij të 19-të, ku do të flasë në lidhje me luftën në Ukrainë dhe gjendjen e brendshme në Rusi.
Putin njoftoi se gjatë fjalimit do të shpallte detyrat kryesore për gjashtë vitet e ardhshme.
Zëdhënësi i Kremlinit Dmitry Peskov njoftoi se Putin e përgatiti personalisht fjalimin dhe se ai kishte “dhjetëra kontakte telefonike dhe takime kokë më kokë me ministra dhe zyrtarë të tjerë qeveritarë.
Fjalimi vjetor i presidentit në Asamblenë Federale, parlamenti dydhomësh rus, tradicionalisht jep një vlerësim të gjendjes së vendit dhe përshkruan tendencat kryesore të politikës së brendshme dhe të jashtme. Vitin e kaluar, Putin e filloi fjalimin e tij duke shpjeguar pse Rusia kishte nisur “operacionin e saj special ushtarak”./OraNews
