“Kumbaro, armike e kulturës”, Apollon Baçe reagon ashpër për “Butrintin”: Po të mbledhim turqit e sllavët bashkë nuk kanë bërë sa ka bërë kjo
Ish-drejtori i Parkut të Butrintit dhe arkeologu Apollon Baçe në një intervistë për News24 deklaroi se ndryshimet e menaxhimit të Butrintit janë në kundërshtim me Konventën e Parisit
Baçe tha më tej se forma e menaxhimit që ka pasur më parë Parku i Butrintit është e duhura pasi vet parku nxjerr rreth 2 mln euro në vit duke hedhur akuza të forta mbi minitren Mirela Kumbaro.
Në vitin 2018 zonja Kumbaro që është armike e kulturës së popullit tonë, është e habitshme ku e gjen gjithë atë energji negative, gjithmonë do bëjë diçka të keqe, po të mbledhim të gjithë turqit e sllavët bashkë nuk kanë bërë sa ka bërë kjo.
Në vitin 2018 takon përfaqësues të AADF dhe me preteksin për të shtuar të ardhurat që nuk kishte nevojë pasi Butrinti nxirrte 2 mln euro në vit që nuk dihet se ku shkonin, ndryshoi ligjin që të ndërhynin amerikanët dhe hapi shtegun që të shkelej Konventa e Parisit.
Pa u miraturar ligji për zonat e mbrojtura në Butrint është ndërtuar një hotel, çfarë t’i teket Kumbaros bëhet. Fondacioni AADF ka marrë dhe Krujën dhe Durrësin në menaxhim, atëherë pse na duhet një ministri kulture? Fshihen pas faktit që fondacioni është amerikan, por amerikan është dhe Al Capone”- tha Baçe për News24.
