Prodhuesi gjerman i makinave ‘Mercedes-Benz’ ka kaluar rivalin amerikan Tesla për të rifituar pozicionin e tij si marka më e vlefshme e makinave në botë, sipas një raporti të ri nga konsulenca ‘Brand Finance’.
Ajo ia kishte lëshuar vendin pozicionin kryesor, kompanisë së udhëhequr nga Elon Musk në vitin 2023.
Raporti i industrisë së automobilave 2024 zbuloi se ‘Mercedes-Benz’ ka ruajtur statusin e tij premium dhe ka përmirësuar matjet e tij operacionale dhe financiare.
Strategjia e kompanisë për t’u përqendruar veçanërisht në makinat e udhëtarëve të nivelit të lartë dhe furgonët luksozë ka qenë thelbësore në rritjen e të ardhurave.
Kjo është veçanërisht e rëndësishme pasi gjigandi gjerman i automjeteve përballet me një sfidë të rëndësishme nga markat kineze të makinave elektrike, tha ‘Brand Finance’.
Ndërkohë, vlerësimi i markës së prodhuesit amerikan të automjeteve elektrike ‘Tesla’ u ul 12% në 58.3 miliardë dollarë në raportin e fundit, duke e zbritur kompaninë përsëri në vendin e dytë.
Raporti thoshte se sektori kinez i automobilave, i cili “po hyn në një epokë të re”, ka vijuar të rritet, i nxitur nga interesi i fortë global për automjetet elektrike, i cili po nxit investimet dhe eksportet.
BYD është aktualisht marka më e vlefshme e makinave në Kinë, me vlerën e markës së saj duke u rritur me 20% në 12.1 miliardë dollarë.
